საფრანგეთის მოქალაქე პლაჟიდან ქვიშის ქურდობის გამო დააჯარიმეს

იტალიელმა სამართალდამცველებმა კუნძულ სარდინიის პლაჟიდან ქვიშის ქურდობის გამო საფრანგეთის მოქალაქე 1000 ევროთი დააჯარიმეს. ამის შესახებ გამოცემა Le Figaro წერს.

ტურისტი, რომლის ვინაობაც არ სახელდება, ქალაქ კალიარის აეროპორტში  უსაფრთხოების სამსახურის თანამშრომლებმა შეამოწმეს და პლასტიკის ბოთლში 2 კილოგრამი ქვიშა აღმოუჩინეს. „ასეთი ქცევა არა მხოლოდ აზიანებს გარემოს, არამედ საფრთხეს უქმნის სანაპირო ზოლის შენარჩუნებას, რაც ასე აუცილებელია სარდინიაზე ტურიზმის განვითარებისთვის“, – აცხადებენ პოლიციაში.

ტურისტებს სარდინიის პლაჟიდან ქვიშის წაღება რამდენიმე წლის წინ აეკრძალათ.